Ronnie ‘nabuhay’ ang career nang mapabilang sa Sparkle

RATED R
ni Rommel Gonzales

BILANG isang Sparkle artist since December 2024, nasa Akusada si Ronnie Liang na napapanood sa GMA Afternoon Prime.

“Ako po si Damian, isa sa mga gumaganap, siya ay tahong farmer, manliligaw kay Ms. Carol, si Andrea Torres, na nagsumbong kay Andrea kaya siya naging akusada dahil hindi niya ako sinagot, sumama ang loob ko.

“And ito ay mga bagong pagganap sa akin alam niyo naman ang image ko, and this is a challenging role.”

Importante ang papel NIRonnie dahil siya ang dahilan kaya naging akusada si Andrea sa krimen sa show.

Kasama rin dito sina Lianne Valentin at Benjamin Alves, sa direksiyon ni Dominic Zapata.

Ani Ronnie maraming benefits ang pagkakasama niya bilang Sparkle artist. “Nagkaroon ako ng mabilis at magandang access sa mga TV program ng Kapuso, na naalala ako ng mga nakalimot na.

“Nagkaroon ng recall at medyo nabuhay ang aking career.”