HATAW! D'yaryo ng Bayan hatawtabloid.com
RATED R
ni Rommel Gonzales
TINANONG namin si Ogie Diaz kung ano ang maipapayo niya tungkol sa toxicity sa isang pamilya na karaniwang nangyayari sa kahit na sino.
“Kumbaga ito ‘yung pelikulang ibinagay namin sa henerasyon ngayon.
“So ano ba ang gagawin ng isang Gen Z o Millennial ngayon? Sa mga panahon ngayon iba na, hindi ba?
“Kung noong araw ‘yan sa atin mga boomer and Gen X, eh talagang kakapit at kakapit sa pamilya kahit ano pang maging behavior ng pamilya towards us, ‘di ba?
“So ito hindi, iniba namin, kasi ayun na ngayon eh, ‘pag ‘di mo na kaya alis ka na.
“Ganoon lang kasimple. Kasi siyempre noong araw eh hindi naman masyadong pinapansin ‘yung mental health, eh ngayon lahat tayo mayroong mental health issue. ‘di ba?
“Masyado na nating pina-prioritize ‘yung mental health natin so, kung ano sa mga sitwasyon ang hindi na makabubuti sa mental health natin bibitaw tayo roon.
“Para alagaan naman ‘yung sarili nating mental health. So itong pelikulang ito para sa mga mahal nila ang kanilang sariling mental health,” ang mahabang pahayag ni Ogie.
Napag-usapan namin ang tungkol dito dahil ganito ang premise ng pelikulang How To Get Away From My Toxic Family na pinagbibidahan ni Zanjoe Marudo bilang martir at mapagbigay na anak na si Arsenio.
Katuwang ni Ogie sa pagprodyus ng pelikula ang KreativDen Entertainment.
Kasama rin sa pelikula sina Susan Africa, Nonie Buencamino, Sherry Lara, Richard Quan at marami pang iba. Mapapanood sa mga SM cinema sa July 30, sa direksiyon ni Lawrence Fajardo.
