Max kaiinggitan sa matinding eksena kay Redd

RATED R
ni Rommel Gonzales

MAPANGAHAS ang Pinakamahina na episode 1 ng Ninang na online digital series ni Darryl Yap na siya ang sumulat at direktor.

Lead actress dito si Max Eigenmann bilang si Jen na ang bestfriend niyang babae ay may anak na guwapong binata, si Alfred na ang gumaganap ay ang baguhang artista na si Redd Arcega.

Highlight ng serye ang nakawiwindang na pagdakma ni Alfred sa kamay ng bestfriend ng nanay niya at idinakot sa mismong pagkalalaki niya.

Kaya mapapatanong ang sinumang makakapanood nito ng, “Gaano nga ba kapusok ang kabataan ngayon na tulad ni Alfred?

“Gaano katuwid ang mas nakakaalam at mas nakatatanda na tulad ni Jen?”

Napapanood na ang online series sa Facebook at Youtube  channel ng Vincentiments.

Sigurado kami, maraming makare-relate kay Max bilang si Jen.

Tiyak, maraming maiinggit kay Max sa eksena nila ni Redd.

At si Redd, napakaguwapo, hawig siya sa Sparkle/Kapuso leading man na si Gil Cuerva.

At ang acting ni Redd, may lalim, may angas, parang hindi newbie.

Ang episode 2 ay mapapanood sa June 25.