HATAW! D'yaryo ng Bayan hatawtabloid.com
MATABIL
ni John Fontanilla
ITINANGHAL ang dating Sexbomb Girls at dating host ng popular GMA Network noontime variety show ng Eat Bulaga! at dating co-host ng defunct variety game program Wowowin, si Sugar Mercadobilang Mrs. Philippines Universe 2025.
Sa Instagram post ni Sugar, sinabi niyang hindi siya makapaniwala na mananalo siya at magiging reyna kung kailan may mga anak na siya.
“Maraming salamat po sa pagkakataon, tiwala na kaya ko palang maging queen kahit isa na kong ina.
“Sa mga anak ko para sa inyo lahat to. Sa pamilya ko, kaibigan, freshness at sa mga taong naniniwala sakin at hindi naniniwala na kaya ko, kasama kayo lahat sa korona ko lahat ng yan naging lakas ko para matupad ang pangarap ko.”
Pinasalamatan din ni Sugar ang businessman at influencer na si Wilbert Tolentino.
Si Sugar ang magiging representative ng Pilipinas sa Mrs. Universe 2025 na gaganapin sa October.
