HATAW! D'yaryo ng Bayan hatawtabloid.com
RATED R
ni Rommel Gonzales
NAIRAOS na natin ang pagboto sa eleksiyon ngayong 2025, kaya manood na tayo ng sine.
Palabas ngayon ang dubbed-in-Filipino Korean movie na Picnic.
Binili ito ng Nathan Studios nina Sylvia Sanchez at Ria Atayde sa Korea at dinala rito sa Pilipinas, ipina-dub kina Nova Villa, Ces Quesada, at Bodjie Pascua.
Kaya naman labis ang pasasalamat ni Ms. Nova sa Nathan Studios.
“Thank you at dinala ninyo rito sa Philippines ang pelikulang ‘Picnic.’ Malaking tulong ito para sa Filipino, sa ating lahat,” saad ni Nova.
“Napakalaking tulong na I hope, na after mapanood ninyo, mag-unite na ang bawat pamilya.
“Iyong maging sensitive tayo sa pamilya natin, sa feelings ng ating nanay, ng ating lolo, ng lola. The family.”
Mahalaga para kay Nova na hindi sana mawala sa ating mga Filipino ang likas na malasakit at respeto sa mga matatanda.
“Iyan naman ang Pinoy eh, ‘di ba? Pero natatangay tayo sa pagbabago. Sa dami ng pumapasok sa Pilipinas, nagiging materialistic tayo, at napapabayaan na natin ang ating pamilya.
“Pero kung tutuusin, wala ka kung wala iyong pamilya mo. Ang makikita niyo riyan, iyong pain.
“Na gusto mo ba, ganyan din ang mangyari sa iyo ‘pag wala na sina lolo at lola, si nanay, si tatay? What will happen to you?
“Nasaan na ‘yung love? Ang Filipino, clannish iyan. Maano iyan, maka-pamilya ang Filipino…
“Bagaman sila,” pagtukoy ni Ms. Nova sa mga South Korean na karakter sa Picnic, “taga-ibang bansa, mayroon din silang hinahanap.
“Parang Pinoy din.
“Huwag sanang mangyari sa Filipino ito.
“Nalulungkot din ako sapagka’t mayroon din akong nakikitaan sa ating Filipino family na ganoon ang nangyayari.
“Nagiging materialistic tayo. Nagiging makamundo na ang kabataan. Na parang nababalewala ang pamilya, lalo na ang mga lolo at lola.
“At dito makikita natin kung gaano sila kahalaga sa atin, kung gaano nakakaawa iyong ganoon.
“So this movie, sana’y magbigay ng magandang aral, mapanood ng mga kabataan how important ang pamilya.
“Lalo na ang mga lolo at lola na nag-alaga noong maliit ka pa, noong baby ka pa hanggang lumaki, and they’re just like that. Na parang wala na.
“Kasi ang iniisip mo na lang, sarili mo. So this is a very dramatic movie, pero may lesson sa ating pamilya.”
