Sue Ramirez sigurado na kay Dominic Roque

RATED R
ni Rommel Gonzales

WALANG duda na maligaya si Sue Ramirez sa piling ni Dominic Roque.

Nang matanong kasi tungkol sa kanila ni Dominic, Wala raw pressure at basta ini-enjoy lang nila kapag magkasama sila.

“Ang saya lang. Masaya lang kami lumalabas.

“We enjoy time together. We go on adventures. We eat the best food together. 

“Mahalaga rin ang foundation na you find interests and so far swak naman,” saad ni Sue.

Gumaganap bilang si Gaila sa pelikulang In Between na confused ang kanyang karakter pagdating sa pag-ibig.

Pero sa tunay na buhay?

“Hindi po ako confused. Sure na ako,” nakangiting sinabi pa ni Sue.

“Ako rin naman, sa edad na ito, parang ang dami pa rin natin gustong gawin and i-try.

“Hanggang ngayon ay hinahanap pa rin natin ang sarili natin.

“At this point, we should not judge the choices people make. If that is what makes them happy, they should do it as long as wala silang natatapakang iba.”

“I don’t think I’m the type to do ‘in betweens.’ I think, lover girl talaga ako,” saad pa ni Sue.

Ang In Between ay idinirehe ni Gino Santos ns ang lead actor ay si Diego Loyzaga sa papel bilang si Shane at ipalalabas s amga sinehan sa May 7, mula sa Viva Films.

Balik-tambalan ito nina Sue at Diego na unang nagkasama noong 2022 sa pelikulang  How to Love Mr. Heartless.