Lianne ‘ginulo’ si Jodi

RATED R
ni Rommel Gonzales

NASA pelikulang Untold ang Sparkle actress na si Lianne Valentin na pinagbibidahan ni Jodi Sta. Maria.

Kontrabida ba si Lianne sa Untold?

“Hindi naman ako kontrabida rito, isa lang ako sa kumbaga anino na manggugulo sa karakter niya,”kuwento ni Lianne.

Paano niya “ginulo” ang karakter ni Jodi sa pelikula?

“Siguro mentally, emotionally, and psychologically.

“Kasi itong film na ‘to talaga, it’s all about kumbaga parang bukod sa physical, talagang nagpo-focus din siya sa mental mo eh. Sa psychological ng utak mo eh, so isa ako sa manggugulo rito.”

Kumusta ang experience na kaeksena ang isang mahusay na aktres na tulad ni Jodi?

“Siyempre basta may eksena kami rito sa film na ‘to na kailangan ko siyang hawakan, alam mo na, basta ‘yung mga ano, so sabi ko nahihiya ako.”

Pinisikal niya si Jodi sa ilang mga eksena nila na magkasama.

“Oo, may mga ano rito na medyo physical. Nahihiya talaga ako, parang natatakot akong hawakan si Miss Jodi, Miss Jodi Sta. Maria ‘yun, eh.

“Pero iyon nga, very professional si Miss Jods and talagang ibinigay niya rin ‘yung full trust niya sa akin noong ka-eksena ko siya at ibinigay ko rin naman ‘yung full trust ko sa kanya.

“Napakagaling din ng direktor namin, kudos to direk Derick Cabrido dahil grabe ‘yung collaborative work niya when it comes to his actors.”

Nasa Untold din sina Gloria Diaz, Mylene Dizon, Juan Karlos, Kaori Oinuma, Sarah Edwards, at Joem Bascon at marami pang iba.

Mula sa Regal Entertainment ang Untold na palabas sa mga sinehan ngayong Miyerkoles, April 30.