HATAW! D'yaryo ng Bayan hatawtabloid.com
NADAKIP sa pinaigting na manhunt operations ng Bulacan PPO ang isang lalaking nakatala bilang No. 2 Most Wanted Person (MWP) sa tala ng Marilao, Bulacan, dahil sa kasong panggagahasa.
Sa ulat na isinumite kay P/Col. Franklin Estoro, officer-in-charge ng Bulacan PPO, matagumpay na naaresto ng mga operatiba ng Marilao MPS ang suspek dakong 12:30 ng hapon, nitong Martes, 22 Abril.
Isinagawa ang joint manhunt operation ng Tracker Team at ng Women and Children’s Protection Desk ng Marilao MPS sa Urban Deca Homes, Brgy. Abangan Sur, sa nabanggit na bayan.
Kinilala ang suspek na isang alyas JK, dinakip sa bisa ng warrant of arrest para sa kasong Rape sa ilalim ng Article 266-A paragraph 1(d) ng Revised Penal Code, na inilabas ni Presiding Judge Johnmuel Romano Ritzhard David Mendoza, Cabanatuan City, Nueva City RTC Branch 26 na walang inirekomendang piyansa.
Kasalukuyang nasa kustodiya ng Marilao MPS ang suspek para sa kaukulang dokumentasyon at ibabalik sa court of origin para sa karagdagang legal na paglilitis. (MICKA BAUTISTA)
