HATAW! D'yaryo ng Bayan hatawtabloid.com
HARD TALK
ni Pilar Mateo
MABILIS lumakad ang panahon.
Kamakailan inilunsad ang orihinal na kanta niyang Nandito Lang Ako na tinangkilik ng Star Musicnaghahanda na ng panibago niyang cover ang Revival King na si Jojo Mendrez sa pamamagitan ng awit ni Timmy Cruz na I Love You, Boy.
Very proud si Jojo nang awitin ito sa birthday celebration ng reporter cum online host, manager and producer na si Jobert Sucaldito sa Music Box powered by the Library.
Naging special guest si Jojo together with Malu Barry sa show Jobert lroduced for his alaga Kurt Fajardo, via Heart and Soul.
Muntik pa ngang hindi makapag-perform si Jojo dahil umatake ang kanyang gout. Pero naisip naman nito na the show must go on. At marami ring mga tao ang nag-antabay sa kanya para marinig at mapanood that night ng Miyerkoles Santo.
Maga man ang paa, tila nakalimutan ‘yun ni Jojo nang umawit na sa entablado. Na ikinatuwa ng mga guest ng birthday celebrant. Muling narinig ang signature song. At nang kantahin ang Timmy Cruzsong, ipinaliwanag din ni Jojo na pinag-uusapan pa kung may dapat na baguhin sa kanta lalo na at babae ang umawit nito para sa kanyang crush.
Sabi naman ng mga miron, palitan man o hindi ang titulo nito at ang konteksto, ang nilalaman ng puso ng umaawit ang umaantig sa bawat tengang dapuan nito.
Hindi makapaniwala si Jojo sa ‘di matingkalang biyayang inaabot niya ngayon sa kanyang mga awitin.
Nakaalis na si Jojo sa MB nang maiparating namin sa kanya ang balitang pumanaw na ang makakasama pa sana niya sa video ng isang kanta, si Ate Guy, ang Superstar at National Artist.
Labis ang kalungkutan ni Jojo lalo pa at kasunod itong pumanaw ng isa pa niyang idolo sa industriya na si Ms Pilita Corrales. Nakasama niya ang dalawa sa concert niya years ago.
Ipinagdarasal ni Jojo na lubusan siyang magabayan ng kanyang nga idolo sa paglisan ng mga ito sa mundo.
Samantala, bukas na ang foreign shores para sa pagdalaw ni Jojo sa kanyang meet and greet sa Hongkong, Macau, at Singapore.
Burado muna ang mga dumaang problema na may kinalaman sa career ni Jojo. Basta tuloy lang siya sa paggawa ng mas marami pang kantang alam niyang kagigiliwan ng balana.
