Michelle lumabas na ng Bahay ni Kuya; Housemates humarap sa ikalawang nominasyon

RATED R
ni Rommel Gonzales

BUMUHOS ang iba’t ibang emosyon sa nagdaang weekend sa loob ng Bahay ni Kuya. Una nang lumabas ng bahay ang celebrity houseguest na si Michelle Dee. 

Lubos na nagpasalamat si Michelle sa mga natutunan at mga nabuong pagkakaibigan sa housemates. At nakalulungkot din na hindi napagtagumpayan ng housemates ang kanilang weekly task.

Bago naman humarap sa ikalawang nominasyon, ang mga housemate ay nagkaroon ng unang Duo Battle na ang mananalong duo ay magkakaroon ng immunity. Bilang bagong housemates, hindi kasali ang duo nila Emilio Daez and Vince Maristela. Nanalo naman ang MiBi duo nina Mika Salamanca at Bianca De Vera kung kaya’t ligtas din sila. 

Naibahagi ni Mika sa confession room kung bakit mahalaga na manalo sa battle, “Kaming dalawa ni Bianca ‘yung pinaka-last sa botohan ng hindi pagpapakatotoo. Sobrang importante ng immunity para sa peace of mind namin.” 

Ito naman ang mga nominated duo ngayong linggo: MicVer–Michael Sager at River Joseph, ChaKira–Charlie Fleming at Kira Balinger, at ang mga task leader this week na sina RaZ–Ralph De Leon at AZ Martinez. 

Sino-sino nga kaya sa kanila ang ililigtas ng taumbayan sa darating na eviction night? Abangan sa Pinoy Big Brother Celebrity Collab gabi-gabi sa GMA Prime.