Michelle Dee nagsilbing inspirasyon sa Bahay ni Kuya

RATED R
ni Rommel Gonzales

INSPIRASYON ang dala ni Kapuso Beauty Queen Actress Michelle Dee sa mga housemate matapos pumasok bilang house guest sa Bahay ni Kuya. 

Isa sa mga naging highlight ng kanyang pagpasok ay ang pagsisimula ng task na konektado sa pagpapakatotoo ng housemates. Dito ay nagkaroon ng pagkakataon si Klarisse De Guzman na ilahad na siya ay parte ng LGBTQ community. 

“Di na ako takot, wala na akong kinatatakutan. Ang saya lang po sa pakiramdam magpakatotoo,” ani Klarisse.

Naibahagi naman ni Michelle kay Kuya kung gaano siya naging proud sa ginawang pag-open up ni Klarisse. 

Ani Michelle, “Napagdaanan ko rin po ‘yon, ang hirap din magpakatotoo ng ganoon dahil sa industriya kung nasaan tayo.”

Samantala, pumasok na rin ang dalawa pang housemates na sina Emilio Daez at Vince Maristela. 

Tutok na gabi-gabi sa Pinoy Big Brother Celebrity Collab Edition 10:00 p.m. Mon-Fri at 6:15 p.m.. Sat-Sun sa GMA Prime.