Mga Batang Riles patuloy ang laban at tagumpay gabi-gabi

RATED R
ni Rommel Gonzales

PAINIT nang painit ang pagtanggap sa Mga Batang Riles matapos makakuha ng 9.3 ratings vs 9.0 ng katapat na palabas kagabi dahil sa sunod-sunod na bakbakan laban sa katiwalian. 

Matutuklasan na nina Jackson (Paolo Contis) at Matos (Bruce Roeland) na nasa Sitio Liwanag ang kanilang nawawalang droga, kaya naman agad inutusan ng huli ang Asero boys na bawiin ito. Habang patuloy naman ang paghahanap nila kay Honey (Robb Guinto) na patuloy namang pinoprotektahan nina Dagul (Anton Vinzon), Sig (Raheel Bhyria), at Kulot (Kokoy de Santos) sa kinakaharap nitong problema matapos mapadpad sa riles. 

Sey ng isang netizen “Bagay sila ni Honey uyyy chemistry is real talaga lets see ano mangyayari sa susunod na episode ngayon kasama na nila si Honey.”

Makikilala na rin ang mga bagong kabarkadagulan–ang content creators na sina Sabby and Sophia bilang Marie Twins na nagbabalik riles na makakasama sa Sitio Liwanag.

Pakatutukan ang iba pang maiinit na eksena gabi-gabi sa 8:50 p.m.. sa GMA Prime.