HATAW! D'yaryo ng Bayan hatawtabloid.com
RATED R
ni Rommel Gonzales
AMINADO si Kim Molina na kinikilig pa rin siya kapag kaeksena o kasama niya ang boyfriend na si Jerald Napoles sa isang proyekto.
“Mayroon pa rin [kilig], hindi ko alam kung bakit pero kinikilig pa rin ako. Si Je kasi ano siya eh, paano ba?
“Dati kasi siyang chick boy talaga.
“Hindi pero seryoso he’s that kind of an actor kasi.
“Kahit sino ang makatambal niya actually tinitingnan niya kung saan niya mahuhuli ‘yung kiliti ng kanyang partner on screen.
“Kasi it’s important na magandang organic ‘yung reaction niyong partner niya.
“So that’s what he does.
“Ganoon po kasi siya, mayroon siyang… he does something kapag nagtatrabaho. And ako I think I just… oo every time nakakaeksena ko siya bilang aktor sa aktor and at the same time, dagdag na lang din ‘yung kinikilig ako kasi totoo.”
Sampung taon ng magkasintahan ang dalawa at last year, August 11 ay ginulat ni Jerald ang publiko, maging si Kim, nang mag-propose ito sa kanya.
Samantala, ngayong April 9 ay mawi-witness natin na magpakilig ang dalawa sa pelikula nilang Un-EX You.
Mula sa Viva Films, gaganap sila bilang si Zuri (Kim) at Andy (Jerald).
Kasama rin sa cast sina Candy Pangilinan (bilang Mameng), Vladia Disuanco (bilang Beybeh), Kyosu Guinto (Bry), Bob Jbeili (Greg), at Marnie Lapus, sa direksiyon ni RC Delos Reyes.
