Ruru naaksidente, litid sa alak-alakan napuruhan

MA at PA
ni Rommel Placente

ISINUGOD sa ospital  si Ruru Madrid  matapos magkaroon ng injury habang nagte-taping ng seryeng pinagbibidahan, ang Lolong.

Ayon sa aktor, bumigay ang isa niyang hita nang gawin niya ang isa sa mga maaksiyong eksena.

Ibinahagi ng Kapuso star sa kanyang Instagram account ang nangyari kalakip ang mga litrato na kuha habang siya’y nasa ospital.

Ayon sa doktor na tumingin sa kanya sa ospital, kompirmadong napuruhan ang kanyang hamstring o ang litid sa alak-alakan.

Sumailalim na si Ruru sa MRI at hinihintay pa ang resulta. 

“Hoping and praying na hindi ito Grade 3 strain, which means a full tear that could take weeks or even months to recover,” sabi ni Ruru.

Nalulungkot ang aktor dahil kinailangan munang itigil ang kanilang taping dahil sa nangyari sa kanya.