Michelle Dee Reyna Melanie Marquez Winwyn Marquez

Michelle Dee ini-release music video ng latest single niyang Reyna

Rommel Gonzales April 2, 2025 Entertainment, Music & Radio

RATED R
ni Rommel Gonzales

SA pagtatapos ng International Women’s Month, inilabas ni Miss Universe Philippines 2023 at Sparkle artist Michelle Dee ang official music video ng kanyang debut single na Reyna noong March 29 sa kanyang YouTube channel. Ang kantang ito ay tungkol sa empowerment, confidence, at self-love, na agad tinangkilik ng kanyang fans.

Hindi lang basta performance ang ipinakita ni Michelle sa video. Makikita rin ang kanyang inang si Melanie Marquez (Miss International 1979), pinsang si Winwyn Marquez (Miss Universe Philippines Muntinlupa 2025) na nagbigay ng special na highlight sa video.

Sa huling bahagi, naglakad sila suot ang kanilang bold red outfits na nagbigay ng lakas at ganda sa music video.

Ayon kay Michelle, inanyayahan niya ang kanyang ina para makiisa sa shoot, at ibinahagi ni Melanie na proud siya sa kanyang anak. Masaya naman si Winwyn sa karanasang iyon at inalala ito bilang isang espesyal na sandali.

Ang Reyna ay ang unang collaboration ng Star Music at GMA Music.