Pagkakapantay-pantay ng bawat uri ng pamilya isinusulong ng #50 Pamilya Ko

OUT of 156 partylists na nagnanais makakuha ng posisyon sa kongreso, namumukod tangi ang adbokasiya ng #50 Pamilya Ko Partylist.

Ito ang binigyang diin ni Pamilya Ko Partylist nominee Atty. Anel Diaz matapos mag-ikot sa bayan ng Taytay sa lalawigan ng Rizal.

Sinabi niyang sila ang nag-iisang partylist na nagsusulong ng interes at pangangailangan sa iba’t ibang anyo ng modernong pamilyang Filipino.

Ito ay tumutukoy sa mga pamilyang nasa kondisyon na tinatawag nilang LOVABLES na kinabibilanagn ng live-in parents, OFW parents, victims of domestic abuse, adoptive families, blended families, LGBTQIA families, elderly extended families, at single o solo parents na kadalasang may reserbasyon sap ag-unawa ang lipunan.

Sinabi ni Diaz, sa kanilang pag-iikot, lagi nilang binibigyang diin ang equality o pagkakapantay pantay, bunsod ito ng kadalasang nararanasan ng modernong pamilya na kadalasang nakararanas ng diskriminasyon o paglibak ng ibang tao.

Kaya nga’t lahat ng mga batas na kanilang isusulong ay nakaugat sa usapin ng pagkakapantay pantay.