Piolo magbibilad ng katawan sa pelikula ni Alessandra

HARD TALK
ni Pilar Mateo

ILANG araw ding namataan at nakasalamuha ng mga taga-Palawan (partikular sa San Vicente) ang award-winning actor na si Piolo Pascual.

Nope! Wala naman siyang ka-date na jowa.

Kasi nga trabaho ang ipinunta roon ng aktor. Sa paanyaya ng kanyang matalik (hindi katalik, ha!) na kaibigang si Alessandra de Rossi.

Nag-produce si Alex ng isang indie movie.

Si Direk Zig Dulay ang naatasan niyang mag-maniobra sa mga eksena nilang pagsasaluhan ni Piolo.

Madaling araw ko natulikap sa lobby ng aming crib si direk Zig. Galing nga siya ng Palawan. Umuwi lang pala para magpalit at kunin na ang nakahandang maleta at palipad naman siya sa Hongkong.

Kaya while waiting for his ride, tsikahan kapirot.

Eto na nga.

Nangitim silang lahat at ginalugad ang magagandang spots ng Palawan. At kasama rin ang isa pang direktor na close kay Pidyong (ang tawag niya kay Papa P) na si Dante Nico Garcia.

Excited si direk Zig.

Maliit lang daw ang role ni Papa P sa movie. As Alex’ hubby.

Ang aabangan daw  sa kanyang kakaibang role eh, walang iba kundi si Ma’am Charo Santos-Concio.

Tungkol sa usaping pamilya ang istorya. At nakagugulat ang magiging twists ng mga eksenang masusi niyang dinalirot.

Kaya masaya si Zig. Sa pag-oo ng malalaking stars sa proyekto ni Alessandra.

Marami yatang eksena sa beach. Kaya magsasawa tayo sa toned body ni Papa P. 

Wala pang title.  May kaselanan ang tema. Hindi rom-com. Hindi comedy. Lalong hindi bold. Basta! Abang-abang na.