HATAW! D'yaryo ng Bayan hatawtabloid.com
NASAKOTE ng mga awtoridad ang isang lalaki matapos ireklamo ng malalaswang gawain at panggagahasa sa sariling anak na dalagita sa bayan ng Marilao, sa lalawigan ng Bulacan, nitong Lunes, 17 Marso.
Ayon sa ulat mula kay kay P/Lt. Col. Eulogio Lamqui III, hepe ng Marilao MPS, ang 43-anyos suspek ang biological father ng biktima na kapwa naninirahan sa Brgy. Lambakin, sa nabanggit na bayan.
Napag-alaman sa imbestigasyon na habang nasa loob ng kanilang bahay ang mag-ama nang unang gawan ng kalaswaan ng suspek sa katawan ang biktima.
Hindi pa nasiyahan, kahit nagmamakaawa ang anak ay sapilitang inilugso ng suspek ang puri ng anak hanggang siya ay makaraos.
Matapos ang panggagahasa, pinagbantaan ng ama ang anak na huwag magsusumbong kahit kanino ng kaniyang ginawang kahalayan.
Hindi natakot ang biktima at ipinagtapat sa ibang kapamilya ang ginawa ng ama kaya isinuplong nila ang suspek sa kanilang barangay.
Dinakip ng mga opisyal ng barangay ang suspek at isinuko sa Marilao MPS na ngayon ay naghahanda sa pagsasampa ng mga kasong Acts of Lasciviousness kaugnay ng RA 7610 at paglabag sa RA 11648 (Statutory Rape) laban sa kaniya.
Samantala, dinala ang biktima sa tanggapan ng Marilao MSWD para sa counselling at RFU3 para sa genital examination. (MICKA BAUTISTA)
