David at Sanya magsasama sa isang pelikula

RATED R
ni Rommel Gonzales

MUKHANG susubukin ang katatagan ni David Licauco bilang si Deacon Sam sa upcoming film ng GMA Pictures na Samahan ng mga Makasalanan.

Sa teaser trailer na ipinalabas kamakailan, makikita ang karakter ni David na mapapadpad sa Santo Cristo, na may isang lugar na kung tawagin ay Kalye Makasalanan. Tila nagtipon-tipon ang mga tukso sa buhay ng tao.

Siyempre pa, excited na ang fans ni David na muli siyang mapanood sa isang pelikula. Say ng isang fan:“Omg Deacon Sam! Hindi ko palalampasin ang movie mo!” 

Pinusuan din ng netizens si Sanya Lopez na handang-handa na para sa summer swimsuit scene. 

Bukod pa sa entertainment bilang comedy film ito, tiyak na marami pang ibang handog ang pelikula sa bawat manonood, lalo pa’t makakasama rin ang iba pang mahuhusay na artista sa industriya tulad ni Joel Torre kasama pa sina Betong Sumaya, Soliman Cruz, Jun Sabayton at iba pa.

Ipalalabas ang pelikula sa April 19 sa lahat ng sinehan.