HATAW! D'yaryo ng Bayan hatawtabloid.com
RATED R
ni Rommel Gonzales
MALAKING karangalan para kay Aya Fernandez na nakilala niya ng personal si Teacher Theresa na ginampanan niya sa In Thy Name.
Si Teacher Theresa ang isa sa mga naging bihag ng grupong Abu Sayyaf sa Basilan noong taong 2000 na pinagbasehan ng pelikulang pinagbibidahan ni McCoy de Leon (bilang Father Rhoel Gallardo) sa ilalim ng Viva Films at GreatCzar Media Productions.
Ayon kay Aya, “Siguro isa sa pinakamalaking karangalan being part of this film is being able to meet Teacher Theresa in real life.
“Nagpasalamat si Teacher Theresa sa akin na for me parang it’s the least I could do.
“In fact, kaya nga ako talagang nagmagarbo na damit dahil pakiramdam ko hindi ako ‘yung nire-represent ko kung hindi siya.
“Napanood niyo naman ‘yung mga nangyari at gusto kong bigyan siya ng dignidad, ng honor, at ‘yung kagandahan niya bilang tao.
“So siguro ‘yung opinion ko hindi na nagma-matter for as long as ‘yung nakausap ko kanina si Teacher Theresa. So shout out sa iyo, Teacher Theresa, I love you!
“Andito siya,” rebelasyon pa ni Aya sa ginanap na red carpet premiere ng In They Name nitong Martes, Marso 4, sa Cinema 7 ng SM North EDSA.
Pagpapatuloy pa ni Aya, “And nakayakap ko siya, at sabi niya approve siya. So regardless, parang wala na ‘yung opinion ko roon, iyon na yun, may approval ni Teacher Theresa, masayang-masayang na ako.”
Dahil nga sa presence at approval ni Teacher Theresa ay hindi na raw mahalaga kung ano ang nararamdaman ni Aya matapos mapanood ang pelikula at kung ano ang pagkakaiba habang nagsu-shoot sila at sa finished product ng pelikula na palabas ngayon sa mga sinehan.
