Radson mas hirap sa Voltes V kaysa Prinsesa

RATED R
ni Rommel Gonzales

BAGO mapasali sa cast ng Prinsesa Ng City Jail ay sumikat ang Sparkle male star na si Radson Flores bilang si Mark Gordon sa Voltes V: Legacy, hit live action series ng GMA noong 2023.

Kumusta ang transition niya mula sa pagiging isang action hero na isa sa mga nagpapagana sa robot na si Voltes V at dito ngayon bilang medyo salbahe sa Prinsesa Ng City Jail.   

“Kasi feeling ko nga ano eh, kahit nauna ‘yung ‘Voltes V’ parang feeling ko mas kailangan ko pa rin mag-adjust roon compared sa ‘Prinsesa.’

“Medyo weird siya pakinggan. Ha! Ha! Ha! Kasi ‘yung mga guesting ko in between, before ‘Voltes V’ and ‘Prinsesa ng City Jail,’ more on drama talaga, more on drama siya, so when I started playing as Justin, there wasn’t that much of an adjustment compared ito noong ginawa ko kay Mark Gordon.

“Kasi kay Mark Gordon, ibang-iba talaga.

“Superhero kasi talaga, so maraming unrealistic stuff na kailangan mong i-convey sa character.

“Like mga circumstances na impossible talaga compared dito kay Justin na relatable, very human.”

Gumaganap si Radson bilang si Justin Lozano sa Prinsesa Ng City Jail.

“Frenemy ni Xavier,” banggit ni Radson. Si Xavier ay si Allen Ansay  na leading man naman ni Sofia Pablo bilang si Princess.

Napapapanood weekdays, 3:20 p.m. sa GMA Afternoon Prime, idinidirehe ni Jerry Lopez-Sineneng na tampok din sina Dominic Ochoa bilang Raymond, Denise Laurel bilang Divina, at Beauty Gonzalez bilang Sharlene.

Nasa serye rin sina Ayen Munji-Laurel bilang Leilani, Jean Saburit bilang Sonya, Keempee de Leonbilang Dado, Ina Feleo bilang Jenny, at sina Will Ashley bilang Onse, Pauline Mendoza bilang Mimi, at Lauren King bilang Libby.