Marvin inamin challenge sa kanila ni Jolens ang magpakilig ngayon 

RATED R
ni Rommel Gonzales

MATAPOS ang maraming taon ay muling nagsama sa isang pelikula sina Marvin Agustin at Jolina Magdangal, at ito ay sa reuninon movie nilang Ex Ex Lovers.

Hiningan namin ng reaksiyon si Marvin tungkol dito.

“Noong umpisa nakaka-challenge kasi parang, since pinapanood nila ‘yung pelikula namin dati, kinikilig sila, natawa sila, nag-enjoy sila, nakaka-challenge kung paano namin gagawin sa edad namin ngayon,” at natawa si Marvin.

“Na parang, tamang timpla, na nakakikilig pa rin pero hindi nakakaumay kasi, ‘Ang tatanda na nito, ganoon pa rin,’” at muli siyang natawa.

“But seeing their reactions ‘pag nagsu-shoot kami… kasi kami ni Jolina pareho kami na ayaw naming pinanonood ‘yung sarili namin. So parang that’s why we give the full trust to the people na we work with.

“Na kapag natawa sila parang, magtitinginan na kami, parang, ‘Maganda ‘yung ginawa natin, okay, okay.’

“So naging ganoon ‘yung proseso namin. So hanggang matapos na ‘yung pelikula hanggang sa pinanood na namin ‘yung in-edit nila.

“So roon namin nasabi na parang, hanggang sa trailer nga kanina, na parang, ‘O wow, I think we made a film na magugustuhan ng mga tao,’” pahayag ni Marvin.

Palabas ngayon sa mga sinehan ang pelikula.