Andi, Philmar inayos daw nina Eddie at Rosemarie

SHOWBIZ KONEK
ni Maricris Valdez Nicasio

KUNG gaano kabilis sumambulat ang balitang hiwalay na sina Andi Eigenmann at Philmar Alipayo ganoon din kabilis na naayos ito. At iyon ay dahil sa sinasabing pagpunta ng mga lolo at lola ng aktres.

Kumalat ang mga larawan ng pagpunta ng lolo’t lola ni Andi sa Siargao na sina G Eddie Mesa at G Rosemarie Gil kasama ang apong si Ellie Eigenmann Ejercito. Kaya naman napagtantp agad ng netizens na inayos ng lolo at lola ni Andi ang problema nilang mag-asawa lalo’t nakitang kasama rin si Philmar nang kumain ang mga iyon.

Sa post ni Andi sa kanyang Instagram Story makikita ang pagdating ng kanyang lolo’t lola. May caption iyong, “Mama & Papa walking on the streets of my neighborhood.”

May picture rin si Rosemarie kasama ang apong si Ellie. Kasama rin sina Lilo at Koa habang nasa isang tourist shop na nakasuot ng native hat.

Viral din ang photos na magkakasamang kumakain ang pamilya ni Andi.