HATAW! D'yaryo ng Bayan hatawtabloid.com
RATED R
ni Rommel Gonzales
KINIKILIG daw si Jolina Magdangal tuwing naririnig niyang nagsilbing inspirasyon sila ni Marvin Agustin at ang mga proyektong ginawa nila noon para sa maraming tao.
At ngayon, may bago silang pelikulang ipalalabas, ang Ex Ex Lovers.
“Ako kinikilig ako,” bulalas ni Jolina.
“Kasi sila ngayon ‘yung alam nila kung ano ‘yung nangyayari ngayon, alam nila ‘yung mga dapat napapanood na rin,” sinabi ni Jolina na ang tinutukoy ay ang direktor ng pelikula na si JP Habac.
Dagdag pa ni Jolina, “And iba na rin ‘yung ideas ngayon ng paggawa ng pelikula at ng istorya.
“So, parang ‘pag nasasabi na inspirasyon kami at ‘yung naging proyekto namin, parang ang sarap ng feeling dahil noong ginagawa namin iyon, hindi naman… ako noong ginagawa namin ‘yung movies namin hindi ko naman inisip na parang, ‘Ah, para good example ito.’
“Hindi, eh. Talagang in-enjoy ko lang talaga ‘yung movie na kasama si Marvin, ‘yung istorya ang ganda, para talaga roon sa edad namin noong time na ‘yun.
“So masarap ‘yung feeling. Ako minsan hindi pa makapaniwala, eh!
“Pero minsan hindi na namin tinitingnan ni Marvin, hindi na namin pinanonood kung ano ‘yung naging eksena namin kasi ako basta makita ko lang sila direk at saka maiyak sila or matawa sila, kiligin sila, that’s it pansit, iyon na ‘yun,” pakli pa ni Jolina.
