HATAW! D'yaryo ng Bayan hatawtabloid.com
SA PATULOY na anti-criminality operations ng Bulacan PNP, nadakip ang tatlong hinihinalang mga tulak ng ilegal na droga, at apat na pinaghahanap ng batas sa iba’t ibang lugar sa lalawigan hanggang nitong Linggo, 12 Enero.
Sa ulat na ipinadala kay P/Col. Satur Ediong, provincial director ng Bulacan PPO, nagsagawa ng magkahiwalay na buybust operation ang Station Drug Enforcement Unit (SDEU) ng Baliwag at Bulacan Provincial Intelligence Unit na humantong sa pagkaakaaresto sa tatlong drug suspects.
Nakompiska sa mga operasyon ang kabuuang limang plastic sachet ng hinihinalang shabu na may tinatayang nagkakahalaga ng P78,264; at buybust money.
Dinala sa Bulacan Provincial Forensic Unit (PFU) ang mga nakompiskang ebidensiya para sa kaukulang pagsusuri habang inihahanda ang mga kasong paglabag sa RA 9165 o Comprehensive Dangerous Drugs Act of 2002 laban sa mga suspek.
Gayondin, nagsagawa ng serye ng manhunt operations ang tracker teams ng San Jose del Monte, Meycauayan, Bulakan, at Obando C/MPS na nagresulta sa pagkakadakip sa anim na wanted na indibiduwal sa bisa ng warrants of arrest para sa mga kasong robbery, estafa, paglabag sa RA 9003 at RA 11332.
Kasalukuyang nasa kustodiya ng kanilang mga arresting unit/station ang mga suspek para sa kaukulang disposisyon at dokumentasyon. (MICKA BAUTISTA)
