HATAW! D'yaryo ng Bayan hatawtabloid.com
RATED R
ni Rommel Gonzales
GL o Girls Love movie ang pelikulang Pin/Ya ng VMX. Mga bida rito sina Candy Veloso at Angelica Hart.
Tinanong namin si Angelica kung sinong celebrity ang girl crush niya?
“Cristine Reyes, sobra po!
”Kasi may istorya ‘yan dati, nakita ko siyang naka-sports car na red, tapos, parang bata pa ko noon, tapos nakita ko siya.
“Sabi ko siya ‘yung gusto kong maging, hanggang sa ‘yun na, siya na ‘yung idol ko since then.”
Si Candy ay may crush din na babae.
“Ako naman po si Ms. Marian Rivera,” bulalas ni Candy. “Parang ‘pag nakikita ko talaga siya parang, ‘Oo na, sige na Lord kunin mo na ako’, ganoon. Ha! Ha! Ha!”
Nakita na Candy sa personal ang GMA Primetime Queen…,“Oo, sobrang ganda!”
Pero hindi niya ito nakausap.
Kapag nakausap ni Candy si Marian anong sasabihin niya rito?
“‘Ma’am mahal na mahal kita Ma’am!’
‘Ma’am pa-kiss!’ Ha! Ha! Ha!’
“Ganoon ko siya ka-crush, kasi para siyang may sariling ring light,
promise, may sariling ilaw.
“Parang buhat-buhat niya ‘yung Meralco, ganoon siya.”
Sa direksiyon ni Omar Deroca, nasa Pin/Ya rin sina Julianne Richard at Gboy Pablo at available na for streaming.
