Lolit Solis babu na sa IG

PUSH NA’YAN
ni Ambet Nabus

HAPPY New Year!

Kasabay nga ng pagpasok ng bagong taon ang pamamaalam ng Instagram chika ni manay Lolit Solis.

Nagulantang pa ang maraming nakakakilala sa beteranong columnist-manager dahil sa naging mga headline ng balita. Inakala tuloy ng marami na namaalam na ito kaya agad may mga nagpahatid ng pakikiramay. 

Nakakaloka talaga ang pangyayari pero dinedma na lang ito ni Manay lalo’t hindi naman ito ang unang beses na may mga nakiramay sa kanya.

Ayon pa sa ating manay, it’s about time na ipahinga niya o igarahe ang Instagram socmed activity niya dahil among her peers, siya na lang ang naiiwan at feeling empty na siya.

Hay, naku Manay, sandali lang ang ganyang feeling. Very soon, hahanapin mo rin ang mga tsismisan at intrigahan sa showbiz hahaha.

But seriously speaking, ang feeling namin ay hindi naman 100% iiwanan ni Manay Lolit ang IG stories niya. 

Asahan nating may pasulpot-sulpot siyang mga chika. Piling-pili na lang kumbaga.