Daniel ibinebenta na raw shares sa mga negosyo

PUSH NA’YAN
ni Ambet Nabus

GAANO kaya katotoo ang tsismis na sa pagpasok ng 2025 ay tila seryoso na ring mina-manage ni Daniel Padilla ang kanyang mga business ventures o investments?

Ayon sa kumalat na balita, umano’y unti-unti nang ibinebenta ni Daniel ang kanyang mga share sa mga business investment na pinasok niya.

May tsika pang bago pa man daw matapos ang 2025 ay kumonsulta na ang aktor sa kanyang mga kanegosyo at legal team.

May nakakaloka pa ngang tsika na last Christmas nga raw ay tila kakaibang pagtitipid ang ginawa ng aktor dahil hindi na ito kasing-generous gaya ng mga nagdaang taon na halos lahat ay nabibigyan niya ng biyaya.

Well, if ever mang totoo ang tsismis na ito, we don’t see any wrong naman. That’s his right at baka nga nasa estado na ng buhay niya si Daniel na mas personal na tinututukan ang kanyang mga naipon o pera.

Wala kaming nakikitang masama roon. Kaysa nga naman patuloy kang mabuhay sa luho at walang kwentang mga gastusin gayung hindi pa naman ganoon nakababalik ang bonggang career.