Sunday , April 6 2025
Pandi Bulacan HISTORICAL TOURIST SITE TINANGKANG HUKAYIN 10 ILLEGAL MINERS ARESTADO

Sa Bulacan  
HISTORICAL TOURIST SITE TINANGKANG HUKAYIN 10 ‘ILLEGAL MINERS’ ARESTADO

SAMPUNG indibiduwal ang inaresto ng pulisya matapos maaktohan na tinatangkang hukayin ang bakod at concrete footing ng Inang Filipina Shrine, isang historical tourist site sa Brgy. Real De Cacarong, Pandi, Bulacan.

Ayon sa ulat na ipinadala kay P/Colonel Satur L. Ediong, provincial director ng Bulacan PPO, isang ulat ang natanggap ng Pandi Municipal Police Station (MPS) mula kay Barangay Captain Alejandro Angeles ng Brgy. Real De Cacarong at ipinaalam na may grupong naghuhukay sa lugar at balak na gumawa ng tunnel.

Agad nagpunta sa lugar ang mga nagrespondeng pulis at naispatan ang sampung suspek na nahuli sa aktong naghuhukay ng anila ay kayamanan nang walang kinakailangang permit.

Nakompiska sa mga suspek ang dalawang pala, isang crowbar (bareta), isang jungle bolo, dalawang flashlight, isang mining detector, at isang puting Toyota Hi-Ace commuter van na may plakang AWA 975.

Ang aksiyon ng pulisya ay nagbibigay-diin sa pangako ng mga tauhan ng Pandi MPS sa pagprotekta sa mga makasaysayan at kultural na pamana mula sa mga ilegal na aktibidad.

Ang mga naarestong indibiduwal ay kasalukuyang nahaharap sa mga kaso sa ilalim ng R.A. 7942 o ang (Philippine Mining Act Of 1975), at ang mga karagdagang legal na paglilitis sa mga suspek ay isasagawa. (MICKA BAUTISTA)

About Micka Bautista

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …