HATAW! D'yaryo ng Bayan hatawtabloid.com
MATABIL
ni John Fontanilla
HINANGAAN ng netizens ang latest photo ni Miss Universe Philippines Chelsea Manalo na nag-ala Disney Princess sa kanyang Halloween costume.
Caption nito sa kanyang Instagram (Chelsea Manalo) sa mga litrato bilang Princess Tiana mula sa fairy tale na The Princess and the Frog, “Channeling my inner Princess Tiana. The journey has been magical, and with your support, we can make dreams come true.”
Suot ni Chelsea ang napakagandang green ballgown with matching gloves at tiara na bagay na bagay sa kanya.
Handang-handa na nga si Chelsea na makipagbakbakan sa mga queen mula sa iba’t-ibang bansa na lalahok sa 2024 Miss Universe na gaganapin sa November 16.
