Monday , February 24 2025
Alice Guo

Sa patuloy na pagsisinungaling
Cite in contempt ipinataw vs Alice Guo sa pagdinig ng House Quad Comm

DESMAYADO sa mga nakuhang sagot, inirekomenda ng isang kongresista na patawan ng cite in contempt si dating Bamban, Tarlac Mayor Alice Guo a.k.a. Guo Hua Ping sa pagdinig ng Quad Committee ng Kamara de Representantes.

Pag-uusapan ng komite kung saan ikukulong si Guo na kasalukuyang nasa kustodiya ng PNP Custodial Center dahil sa utos ng korte kaugnay ng kasong graft na kinakaharap nito bukod pa sa ibang kasong kriminal na isinampa laban sa kanya.

Inaprobahan ni Surigao del Norte 2nd District Rep. Robert Ace Barbers, ang overall chair ng Quad Committee, ang mosyon ni Abang Lingkod Rep. Joseph Stephen Paduano na i-cite in contempt si Guo dahil sa paglabag sa Section 11, Paragraph C ng House Rules of Procedure Governing Inquiries in Aid of Legislation.

“There is a motion to cite Alice Guo, a.k.a. Guo Hua Ping, in contempt. Are there any objections? Hearing none, the motion is approved,” sabi ni Barbers.

Sumunod dito, hiniling ni Paduano na ikulong si Guo hanggang matapos ang report ng komite kaugnay ng pagdinig at maaprobahan ito sa plenaryo ng Kamara.

Inaprobahan din ni Barbers ang mosyon.

Sa pagdinig, tinanong ni Paduano si Guo kung bakit hindi siya nagpiyansa gayong nagkakahalaga lamang ito ng P180,000.

Sinabi ni Paduano na sinadya ni Guo na huwag magpiyansa dahil mas gusto niyang makulong sa PNP Custodial Center sa Camp Crame, Quezon City.

“Hindi ka nag-bail kasi mas gusto mong naka-detain doon sa PNP custodial facility kaya hindi ka nag-bail. Ayan ang totoong kuwento roon. Huwag na tayo maglokohan dito,” sabi ni Paduano.

“Again, you’re lying. You’re fooling this country, you’re fooling the Filipino people,” dagdag ni Paduano.

Ipinatawag si Guo kaugnay ng kanyang koneksiyon sa operasyon ng ilegal na Philippine offshore gaming operations (POGOs). (GERRY BALDO)

About Gerry Baldo

Check Also

Krystall B1B6, Krystall Herbal Oil

Masakit na tuhod pinayapa ng Krystall Herbal Oil at Krystall Vit. B1B6

Back to BasicNATURE’S HEALINGni Fely Guy Ong Dear Sis Fely Guy Ong,          Ako po …

Bureau of Immigration BI National Bureau of Investigation NBI

BI, NBI hinimok pabilisin deportasyon ng dayuhang POGO ex-workers

HINIMOK ni Senador Win Gatchalian ang Bureau of Immigration (BI) at National Bureau of Investigation …

Lito Lapid Davao

Davao region sinuyod ni Lapid

NAGPAHAYAG ng buong suporta kay Senador Lito Lapid sa kanyang reelection bid ang mga lokal …

Emi Rubiano-Calixto Winston Casio

Mayor Calixto kumasa sa pahayag ni PAOCC spokesperson Casio

KINONDENA, binatikos, at inalmahan ni Pasay City Mayor Emi Rubiano-Calixto ang naging pahayag ni Presidential …

Koko Pimentel Sara Duterte Chiz Escudero

Para kay SP Chiz Escudero
Caucus ng mga senador para sa impeachment complaint vs VP Sara isinusulong ni Koko

INAMIN ni Senate Minority Leader Aquilino “Koko” Pimentel III na nakatakda siyang magpadala ng isa …