HATAW! D'yaryo ng Bayan hatawtabloid.com
MA at PA
ni Rommel Placente
SA panayam kay AJ Raval ni Julius Babao para sa YouTube channel nito na Unplugged, idinenay niya na may anak na sila ni Aljur Abrenica.
Kamakailan kasi ay may naglabasang mga litrato ng magkarelasyon na may kasamang bata na kuha mula sa isang event na pinuntahan nila.
Ang paniwala ng ilang netizens, baka raw iyon ang anak nina AJ at Aljur na balitang ipinanganak noong kasagsagan ng pandemya.
Pero ayon nga kay AJ ay wala itong katotohanan.
“First of all, hindi po ako taon-taon buntis. Parang yearly na lang po akong buntis.
“Siguro po kung mabubuntis man ako ngayon, magalit man ‘yung maraming tao, ako pa rin po ‘yung pinakamasayang tao sa buong mundo,” ang pahayag pa ni AJ.
Sey naman ng sexy actress sa mga naglabasang chika sa kanya noon at sa natanggap na pamba-bash ng mga netizen, dinedma na lang niya ang mga ito at nag-focus sa mga positibong bagay.
“Hindi ko siya masyadong binigyan ng focus kasi noong nawala ako, ang saya-saya ko.
“Imagine, kahit paano, naka-graduate ako, nag-ALS ako, natulungan ko ‘yung mga tao sa programa na ‘yun. May mga na-inspire ako, bakit ako magpo-pokus sa ganoong bagay, ‘di ba?
“Actually, hindi ko na siya napansin masyado. Parang nasanay na ako sa mga isyu-isyu at saka yearly ako buntis, everyday (may tsismis),” aniya pa.
