HATAW! D'yaryo ng Bayan hatawtabloid.com
MA at PA
ni Rommel Placente
SA guesting ni Michael Sager sa Tonight With Boy Abunda, tinanong siya ni Boy Abunda kung paano niya ilalarawan ang lagay ngayon ng kanyang puso.
Nali-link kasi ang binata kay Cassy Legaspi.
Sagot ni Michael, “It’s happy.”
Hindi naman diretsong sinagot ng young actor kung sila na nga ba ni Cassy tulad ng mga naglalabasang chika sa social media.
Sabi ni Michael, “Being friends from ‘Tahanang Pinakamasaya,’ nag-co-host po kami roon, to having a ‘Regal Studio Presents’ episode with her. It’s great being able to work with her, to have her as a friend.”
Pero inamin niyang may “something special”na talaga na namamagitan sa kanila ni Cassy.
At tungkol naman sa pakikitungo sa kanya ng parents ni Cassy, “Si Tita Mina (Carmina Villaroel), I first worked with her sa ‘Abot-Kamay na Pangarap’ and I didn’t know na we will have a close relationship together. Same with Tito Z (Zoren Legaspi).
“And since I’m alone in the Philippines, my parents are in Canada, to me, they are parent figures and they always look out for me and I really appreciate that,” pahayag pa ng binata.
Sa hypothetical question kung tatanungin siya nina Carmina at Zoren kung mahal ba niya si Cassy, “yes” daw agad ang kanyang isasagot.
