HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG award winning movie actor at CEO ng Daydreamer Entertainment Production na si Tonz Llander Are ay muling aarangkada sa mundo ng showbiz.
Balik operations na ang kanyang production, mula noong nagkaroon ng pandemic.
Kuwento ni Tonz sa amin, “Kasi po nag-stop kami noong pandemic, although on going yung mga projects ng mga bata… Pero this time tutok na kami sa mga preparation para sa mga up-coming projects namin under Daydreamer Entertainment Production.
“Ang aming pelikulang Ani and Speranza, tuloy nang maipalalabas this year sa selected cinemas.”
Aniya pa, “Ang dami rin blessings, kasi ang mga Daydreamer babies ko humahataw sa 700 club Asia ng GMA 7. Plus, may mga upcoming projects pang naka-line up, bukod sa TV and film.”
Sino ang casts ng Speranza at tungkol saan ang story nito?
“Ang film naming Speranza, na sa direksiyon ko rin at panulat, kuwento po ito ng isang pamilya na salat sa pagmamahal at sa mga estudyanteng na-trap sa isang gubat na humantong ito sa trahedya at nauwi sa bangungot na pangyayari.
“Ang casts na kasama rito ay ako, Esperanza Jaurigue, Fredierick Selda, Clarence Fragada, Nicolle Ulang, Prince Rae Dantes, Celso Llander Are, John Paul Nierves, Angelyn Secqueña, Je Serrano, Nicollo Flores, Don Sandino, Reign Chulvo, Mark Lorenz Are, Joross Almacin, Arnold Abonales, Mary Joy Abonales, Denzel Faller Montenegro, Rose Gayoba, Neo Flores, Caren Permalino, Sweet Ferrer, Krisha Mae Falanon, Nathalie Antonio, Marlo Montes, Ellen Mendoza, Melma Mendoza.
“Kasama rin dito sina Nace Joshua Garcia, Rub Chan, Jerome Francisco, Shana Dacillo, Clarence Andrie Santos, Althea De Leon, Rheyvin Venuya, Hanna Rie, Christian Jorquia, Kira Eikland, Cassie, Shaneli Mae Garcia, JR Celino, Christian Escudero, Cheng Agapay, Antonio Rubianes,at Gan Bellarmino.”
Paano niya ide-describe ang kanyang Daydreamer Babies?
Esplika ni Tonz, “I’m so blessed dahil napaka-talented and mababait, marunong at masisipag and punong-puno sila ng mga pangarap.
“Actually, nasa 100 plus po sila na active, na hawak ko. Iyong iba po, hindi lang nakakakaluwas para mag-workshop. Kasi, from Lucena pa ang iba, iyong iba naman ay from Pampanga and Tarlac.”
Binanggit din niya kung ano ang kanyang plano sa mga talented na bagets.
“Ang plano ko sa kanila, ang makagawa pa kami ng maraming movies at mapanood nila sa big screen ang kanilang sarili. Kasi iyon talaga ang gusto nila, bilang artista. Passion po nila talaga ang pag-arte sa harap ng camera, and wish nilang magkaroon ng mas maraming exposure pa sa television,” sambit pa ng aktor/direktor na si Tonz.
