Markus muntik pasukin ang militar

PUSH NA’YAN
ni Ambet Nabus

MUNTIKAN na palang makumbinsi ng tatay ni Markus Paterson ang aktor na pasukin na rin ang military noong huling uwi nito sa UK.

Pero napag-isip-isip nga ni Markus na gusto niyang masubaybayan at maging parte pa rin siya ng pagpapalaki sa anak nila ni Janella Salvador.

“Since may mga project pa rin naman po at offers, I might as well stay here and balance everything,”pakli ni Marcus.

Muling magbibida sa series na Pretty Boys si Markus kasama ang mga baguhang sina Tomy Alejandrino at Kiel Aguilar sa direksiyon ni Ivan Andrew Payawal.

Ang Pretty Boys ang kauna-unahang series na ilalabas sa Vivamax Plus (bagong platform) at dahil sa BL series ito from the same director na naghatid sa atin ng Game Boys noong lockdown, asahan na nga natin ang mas daring na mga eksena rito.

Sa napanood naming trailer, winner na winner ang pinag-aagawang ‘twink’ sa mga eksenang laplapan at iba pa na nakakikilig panoorin.

Nasa Vivamax Plus na ito, watch ninyo.