Ashley nangingiti sa mga ng nagka-crush sa kanyang daddy Richard 

RATED R
ni Rommel Gonzales

Si Ashley Sandrine Yap ay ang anak na dalaga ng aktor na si Richard Yap, na ngayon ay isa ng businesswoman.

Si Ashley ang CEO ng bagong labas sa market na Sip2Glow, isang brand ng collagen drink na ang celebrity endorser ay si Richard mismo.

Ano ang best advice sa sa kanya ng daddy niya?

“To be hands-on talaga and to know na you know, paglalaanan mo siya talaga ng oras and may mga paghihirap kang pagdadaanan, but we have them, my parents,” sinabi ni Ashley.

Artista rin si Ashley tulad ng ama niya. Nakakontrata rin si Ashley sa GMA Network bilang isang Sparkle artist.

Kung may isang proyekto o serye na pagsasamahin silang mag-ama papayag ba siya?

“Yes, of course,” ang mabilis na reaksiyon ni Ashley, “actually iyon po ‘yung dream ko, I really wanna be able to work with him onscreen talaga.”

Heartthrob si Richard, marami ang may nagkakagusto sa aktor, kaya ang tanong namin kay Ashley, ano ang nararamdaman niya kapag nalalaman niyang maraming may crush sa daddy niya?

“Natutuwa naman po ako.

“Actually, marami nga pong nagsasabi sa akin na, ‘Oh my God, crush ko ‘yung daddy mo!’, ‘Oh my God, ang hot ng daddy mo!’

“Tapos parang, natatawa na lang po ako kasi sanay na rin po ako, and I’m very happy na even at his age, ‘di ba, na marami pa ring nagka-crush sa kanya talaga.”

Graduate si Ashley ng kursong Marketing Management sa De La Salle University.

Samantala, ayon kay Ashley, ang Sip2Glow ay yari sa mga Korean ingredients at sa Korea mismo tinitimpla. Available na online ito