Julie at Stell jive ang kakulitan 

RATED R
ni Rommel Gonzales

TALAGA namang buhay na buhay ang OPM dahil sa inihandang playlist at performances nina Julie Anne San Jose at SB19 member Stell sa kanilang sold-out two-day concert na Ang Ating Tinig: Julie X Stell sa New Frontier Theater last weekend (July 27 at 28).

Enjoy na enjoy ang concert goers na naki-sing at dance along pa nga habang ipinakikita ng dalawang multi-talented artists ang kanilang husay sa pag-perform, pati na rin ang kanilang kakulitan. Lalo pang uminit ang dalawang gabi dahil sa mga bigating guest performers na sina Rayver Cruz, Pablo, Josh Cullen, at Gary V.

Umulan ng sorpresa sa first-ever concert together nina Julie at Stell, at isa na rito ang pag-anunsyo nila kay Pablo bilang newest coach sa The Voice Kids. Mayroon ding pa-donation drive para sa mga nasalanta ng bagyong Carina, courtesy of GMA Kapuso Foundation at A’TIN.

Wala na ngang ibang hahanapin pa ang fans at music lovers na present sa concert.

Congratulations, Julie at Stell! Dasurv na dasurv ninyo ang lahat ng papuri.