Black Rider pinaharurot hanggang sa huli

RATED R
ni Rommel Gonzales

RAMDAM na ramdam talaga ang init ng suporta ng taumbayan sa hit primetime series na Black Rider.

Last Friday (July 26), umere ang finale episode ng serye at nakamit nito ang all-time series high rating na 15.6 percent (combined GMA/GTV/Pinoy Hits.) Naungusan nito ang Batang Quiapo na nakakuha ng 14.7 percent (combined TV/A2Z/Kapamilya Channel).

Hindi rin pahuhuli ang serye online. Umabot na sa mahigit 2 billion views ang mga video ng serye across GMA social media platforms.

Sintamis ng pagmamahalan nina  Ruru Madrid at Yassi Pressman ang suportang natanggap ng serye mula umpisa hanggang pagtatapos nito.