HATAW! D'yaryo ng Bayan hatawtabloid.com
DETERMINADO ang Lalawigan ng Bulacan na isulong ang mabuting nutrisyon sa lahat ng yugto ng buhay dahil kamakailan ay inilunsad nina Gov. Daniel R. Fernando at Vice Gov. Alexis C. Castro ang pagdiriwang ng Buwan ng Nutrisyon na may malusog at mga aktibidad na nauugnay sa nutrisyon.
Pinuno ng Provincial Social Welfare and Development Office (PSWDO) ang buong kalendaryo ng Hulyo ng iba’t ibang malawakang kampanya sa pagpapakalat ng impormasyon kabilang ang pagsubaybay sa mga aktibidad sa buwan ng nutrisyon para sa mga counterparts ng local government unit, nutrition program implementers at mga boluntaryo; pagsasabit ng mga materyales ng IEC sa buong probinsiya na nagtataguyod ng mabuting nutrisyon; pag-post sa opisyal na website ng PGB; pagdiriwang ng magandang araw ng nutrisyon kasama ang mga senior citizen, mga taong may kapansanan, mga buntis na kababaihan, matatanda at bata sa mga day care center, paaralan, at komunidad.
Kasama dito ang live streaming tuwing Huwebes sa Radyo Kapitolyo, pagsasagawa ng Mutya ng Buntis Season 8 sa 24 Hulyo na nagtataguyod ng unang 1,000 araw ng buhay; Programa ng Infant and Young Child Feeding (IYCF); conduct of National Disability Rehabilitation Week (Basta Bulakenya, Kahit may “K” OK!) via Zoom on July 17; at, Disability Sensitivity Training with Orientation on Issuance of PWD ID and 10 Types of Disability sa 23 Hulyo.
Idinagdag din ang iskedyul ng “Ngiti Mo, Sagot Namin: Libreng Harelip at Cleft Palate Operation para sa mga Bulakenyo” Year 21 ay magsisimula sa 1-14 Hulyo ang recruitment, 15-21 Hulyo para sa screening, 22 Hulyo para sa admission, 23 – 24 Hulyo para sa Libreng Harelip at Cleft Palate Operation, at 6 Agosto para sa post op check-up.
Ang selebrasyon ay magtatapos sa 30 Hulyo sa pagkilala sa mga tagumpay at natatanging pagganap ng mga nutrition advocates tulad ng Barangay Health Workers, Lingkod Lingap sa Nayon, at Municipal Nutrition Action Office sa lalawigan.
Samantala, binigyang-diin ni Fernando ang kahalagahan ng wastong nutrisyon para sa mga bata.
“Ang mabuting nutrisyon ay ang pundasyon ng kaligtasan at pag-unlad ng bata. Ito ay makatutulong sa kanilang paglaki at pag-aaral, dapat silang alagaang mabuti para sa kanilang kinabukasan bilang pag-asa ng lalawigan at bansa,” ayon sa gobernador. (MICKA BAUTISTA)
