Zanjoe nagpa-praktis na ng pag-aalaga sa magiging baby nila ni Ria

PUSH NA’YAN
ni Ambet Nabus

MUKHANG excited na nga si Zanjoe Marudo na mag-alaga ng baby.

Sa ilang fotos na nag-viral kamakailan, kitang-kita sa aktor ang kasiyahan habang karga-karga ang alagang pusa na parang baby. At kahit ang kanyang dumbell sa pag-e-exercise ay ginawa ring parang sanggol habang kalong-kalong.

Kinagiliwan ito ng maraming netizen dahil mukha nga raw magiging very loving and responsible dad ang hunk actor.

Balitang ngayong September na manganganak ang asawa nitong si Ria Atayde na kamakailan nga lang umaming buntis after nilang maikasal noong Marso.

Malaking-malaki na ang tiyan ni Ria sa isang okasyon kamakailan na dinaluhan nito.