Carla starstruck pa rin kay Bea

RATED R
ni Rommel Gonzales

“HANGGANG ngayon, lagi kong sinasabi na kapag mayroon kaming eksena na-i-starstruck pa rin ako sa kanya,” umpisang pahayag ni Carla Abellana tungkol sa co-star niyang si Bea Alonzo sa upcoming Kapuso series na Widows’ War.

“Iyon po ‘yung totoo, it’s the truth. 

“I think I mentioned one time po na hindi ko akalain na aabot po sa ganitong point na talagang makakatrabho ko po siya. 

“Kasi for me parang wishful thinking lang po iyon noon.

“So noong nabalitaan ko po sobra po akong na-excite na may kaunting kaba. 

“But my goodness,” bulalas pa ni Carla, “she is everything I imagined her to be, plus more.

“Napaka-passionate po niya, she’s dedicated to her craft, pati po iyong maliliit na detalye alam po niya. 

“Mabait po siya, madali siyang pakisamahan, wala pong reklamo, very patient.

“And of course napakahusay po.”

Sa Widows’ War, bilang si Georgina Balay, ano ang kaibahan nito sa mga nagawa niya sa mga nakaraan niyang teleserye o pelikula? Paano siya nakare-relate sa katauhan ni Georgina o George?

“Actually hindi po ako nakare-relate gaano,” pag-amin ni Carla.

“Very different si ahhh… although I did a soap po, ‘yung aking project prior to this one was ‘Stolen Life,’ in a way thankful po ako na naging stepping stone po iyon kasi matapang po ‘yung isang character ko roon as Farrah.

“So ang layo eh, ibang-iba rito si George. Somehow parang nahihirapan po akong maka-relate sa kanya.

“She’s ambitious, she will do anything and everything to get what she wants, pagdating sa pamilya gagawin niyang lahat kahit mali.

“So iba, matapang itong si George kaya medyo hirap po akong maka-ralate sa kanya in real life,” lahad pa ni Carla sa ginanap na grand mediacon.

Gaganap naman dito si Bea bilang si Samantha Castillo. Sa direksiyon ni Zig Dulay, kasama rin sa powerhouse cast sina Tonton Gutierrez bilang si Galvan, Jeric Gonzales bilang Francis, Juancho Triviño bilang Abdul, Jackie Lou Blanco bilang Ruth, Lito Pimentel bilang Amando, Timmy Cruzbilang Mercy, Rita Daniela bilang Rebecca, Royce Cabrera bilang Jericho, Lovely Rivero bilang Vivian, James Graham bilang Louie, Charlie Flemming bilang Sofia, Matthew Uy bilang Edward, at Jean Garcia bilang Aurora.

May espesyal na mga papel naman sina Benjamin Alves at Rafael Rosell

Mapapanood na sa GMA Prime, 8:50 p.m. at sa delayed telecast sa GTV, 10:50 p.m.