Sagupan nina Julie at Stell inaabangan

RATED R
ni Rommel Gonzales

ANSWERED prayers ‘ika nga ng kanilang fans, dahil sa unang pagkakataon, magsasama sa isang concert stage sina Asia’s Limitless Star Julie Anne San Jose at Stell ng SB19 para sa Julie X Stell: Ang Ating Tinig concert. Gaganapin ito sa July 27 at 28, 8:00 p.m. sa New Frontier Theater.

Anang supporters, can’t wait na sila sa big event na ito dahil tiyak maraming sorpresa at pasabog ang inihanda para sa first-ever concert nina Julie at Stell na produced ng GMA Synergy, GMA Entertainment, at 1Z Entertainment. Bukod sa pangmalakasang performances, excited na silang ma-entertain muli sa kulitan at playful banters ng dalawa na talaga namang kinagiliwan nila simula pa ng The Voice Generations. 

“OMG I’ve been waiting for this. Fast forward to July 27-28 please,” komento ng isang netizen.

Diin naman ng isang fan, “Mahal ko kayong dalawa. At mamahalin at mamahalin pa.”

“Hindi ko ito palalagpasin! Na-miss ko na ‘yung kakulitan ninyo sa The Voice. Good luck Coach Julie at Coach Stell!” anang isa pa.

Ready na ba kayo sa soundtrip courtesy of Julie and Stell? Available ang tickets  sa mga TicketNet outlets nationwide o through ticketnet.com.ph.