Marian intense ang aktingan sa Cinemalaya entry  

RATED R
ni Rommel Gonzales

SIGURADONG kakaibang Marian Rivera ang mapapanood sa Cinemalaya entry na  Balota.

Makikita sa isang BTS photo ng Kapuso Primetime Queen ang karakter niya bilang Emmy na sugatan at nasa gitna ng gubat. Si Emmy ay isang teacher na magsisilbing poll watcher sa eleksiyon at magbubuwis-buhay para protektahan ang huling balota matapos magkagulo sa kanilang bayan.

Dahil sa kakaiba at makabuluhan nitong kuwento, marami na ang nasasabik na mapanood ang collaboration ng GMA Pictures at GMA Entertainment Group.

Mismong si Marian, super excited na rin at talagang napamahal na sa proyektong ito. Kaya for sure, intense at all-out na aktingan na naman ang ipakikita ni Marian sa pelikula.

Samantala, nalalapit na rin ang pagtatapos ng hit primetime series ni Marian na My Guardian Alien.  

Subaybayan mula Lunes hanggang Biyernes.