Kapuso stars lilibutin ang ‘Pinas sa Araw ng Kalayaan

RATED R
ni Rommel Gonzales

TIYAK na memorable at espesyal ang paggunita sa Araw ng Kalayaan (June 12) sa iba’t ibang regions sa bansa dahil pupunta ang ilang Kapuso stars para makiisa sa selebrasyon at maghatid ng ‘di-matatawarang entertainment. Ilan sa mga ito ang bida sa upcoming primetime series na Pulang Arawna sina Barbie Forteza, Sanya Lopez,  David Licauco, Alden Richards, at Dennis Trillo.

Sa bandang Norte ang tungo nina  Dennis, Ashley Ortega, at Mariane Osabel dahil makikiisa sila sa Independence Day Celebration ng mga Tarlaqueño sa Tarlac City Plazuela, Tarlac City, 7:00 a.m..

Tutungo namang Batangas sina Sanya Lopez at John Rex para maki-join sa Flag Raising Ceremony sa Batangas Provincial Capitol, Batangas City, 7:00 a.m..

Good news naman sa mga Kapusong Dabawenyo dahil makakasama nila si Alden sa selebrasyon ng Araw ng Kalayaan na idaraos sa Rizal Park, Davao City, 7:00 a.m.. Sa hapon naman, matutunghayan nila ang mga nakakikilig na sorpresang inihanda ni Alden para sa Kapuso Fans Day sa Atrium, Gaisano Mall of Toril, Davao City, 4:00 p.m..

Lilipad naman pa-Cebu sina David at Barbie para sa Independence Day Celebration sa Presidencia, Mandaue City, 7:00 a.m.. Itutuloy ng BarDa ang fun-filled bonding kasama ang mga Cebuano via a Kapuso Fans Day sa Event Center, SM City Cebu, Cebu City, 3:00 p.m..