HATAW! D'yaryo ng Bayan hatawtabloid.com
APAT sa walong preso na nakapuga sa custodial facility ng San Jose Del Monte City Police Station (SJDM CPS) sa City of San Jose del Monte, Bulacan ang muling nadakip ng pulisya, iniulat kahapon.
Sa unang progress report mula sa San Jose del Monte CPS, dakong 2: 15 pm kamakalawa, sa patuloy na hot pursuit operation ng Intel Operatives na pinangunahan ni P/Major Ferdinand Marcos, Intel PCO, ay naaresto ang isa pang preso na nakapuga, kinilalang si Glenmir Ian Aguilar y Valdez sa Bgy. Gumaoc West, City of San Jose Del Monte, Bulacan.
Sa ikalawang progress report, dakong 9:30 pm nang maaresto si Arturo Conde y Murillo sa Brgy. Graceville, City of San Jose Del Monte, Bulacan.
Ilang oras matapos makapuga ang walong preso ay una nang naaresto at naibalik sa loob ng selda sina Jorency Revise y De Juan at Edcel Briones y Emberga.
Nagpapatuloy ang mga pagsisikap na madakip ang apat pang pugante na may coordinated dragnet operation at flash alarm na inisyu sa Bulacan Provincial Tactical Operations Center. (MICKA BAUTISTA)
