HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SI JD Aguas ay gumaganap bilang si Boie sa pelikulang Kulong. Siya ay caretaker ng resort na aakitin ng tatlong nagseseksihan at naggagandahang babae para makakuha ng ‘sexperience’.
Ang tatlong hot na hot na bebot at bida rito ay sina Jenn Rosa, Cariz Manzano, at Aica Veloso. Ginawa pa ng tatlong magkakaibigan na isa itong kompetisyon na ang mananalo ang makakauna at maka-all the way kay Boie.
Aminado si JD na maiinit na eksena with Jenn, Aica, at Cariz ang mapapanood sa kanya sa Kulong.
Kuwento ng aktor, “May love scene po ako sa kanilang tatlo, kina Cariz as Tisay, Jenn as Minerva, at Aica as Love. So sa kanilang tatlo po, mainit po talaga ang aming eksena, matitinding love scene po ito.”
Ano ang love scene niya sa movie, sabay-sabay ba iyong tatlong babae? Orgy scene ba iyan?
Aniya, “Isa-isa lang po siyempre, pero nangyari sa all cast ng Kulong, iyon din ang isa sa mga aabangan ng mga tao sa movie pong ito.”
Dagdag pa ni JD, “Ang role ko po sa Kulong, isang virgin na caretaker. Magalang, mapagmahal, at handang gawin ang lahat para sa pamilya at pag -ibig.”
Paano ba siya napasok sa showbiz at naging under sa management ni Mark Grabador?
Kuwento ng guwapitong aktor, “Nagsimula po ako sa theater at naglakas loob mag-audition kay direk Bobby Bonifacio… and iyon po, pina-handle niya po ako kay Mama Mark Grabador.”
Bukod sa Kulong, kabilang sa movies na nagawa ni JD ang Bedspacer, Dilig, at Hiraya.
Ano ang pinakamahirap sa pagiging Vivamax actor? “Iyong Mahirap sa pagiging Vivamax actor, ay yun pong misconception sa amin ng mga tao, na nakakalimutan nila minsan na kami ay actor din na dapat pahalagahan sa industriya,” esplika pa ni JD.
