HATAW! D'yaryo ng Bayan hatawtabloid.com
RATED R
ni Rommel Gonzales
PASASAYAHIN at pakikiligin ni Jeric Gonzales ang mga taga-Muntinlupa City dahil haharanahin ng guwapong Kapuso actor/singer ang mga participant ng Gawad Ulirang Ina 2024.
Sa pamamagitan ng bonggang event na ito nina Muntinlupa City Mayor Ruffy Biazon at Mrs. Trina Biazon, walong mga dakilang ina mula sa walong baranggay sa nabanggit na siyudad ang magpapatalbugan para hiranging Gawad Ulirang Ina 2024.
Aawit si Jeric habang sinusuma ang resulta ng patimpalak base sa kanilang talino, kontribusyon sa komunidad, sakripisyo sa pamilya, at pagtataguyod sa mga anak na makatapos sa pag-aaral at maging maayos ang pamunuhay.
And take note, walang uuwing luhaan dahil manalo o matalo, lahat ng kandidata ay may premyong P40K samantalang ang mapipiling Natatanging Ina ay may karagdagang premyo na P10k o P50K.
Magaganap ang pasabog ngayong Miyerkoles, May 22 sa Ayala Southpark Mall sa Alabang, 4:00 p.m.
