Bahay nina Jerome sa Makati nagpayaman sa tiyahin

RATED R
ni Rommel Gonzales

HORROR ang Sem Break na bagong series ng Viva One at may sariling horror story sa tunay na buhay si Jerome Ponce.

“Ako kasi so many years since bata ako and naniniwala ako sa multo, na ngayon ang paniniwala ko is more on soul, hindi ‘yung mga multo, kaluluwa.

“Magkaibang-magkaiba iyon sa akin, ‘yung kaluluwa ‘yung may mga hindi natapos na misyon dito, mga hindi pa nila gustong ano kasi hindi nila matanggap.

“Experience wise ‘yung sa tita ko, kapatid ng dad ko, business kasi namin before is xerox machines, so ang nangyari mayroong bahay si Papa dati sa Makati.

“Hindi pa ako ipinapanganak noon.

“May salamin sa may hagdanan, sobrang taas talaga, pataas.

“Ngayon sabi nila tuwing dadaan sila roon may nakikita silang white lady, legit talaga.

“Sabi raw huwag daw gagalawin iyon, hayaan lang. 

“Ngayon binili agad ng tita ko na iyon sa Papa ko ‘yung bahay, sila na ang tumira roon.

“Kaya pala gustong huwag paalisin or binili nila kaagad, suwerte raw ‘yun.”

Yumaman daw ng bongga ang tita ni Jerome. 

Sa Sem Break ay co-star nina Jerome (bilang si Arlo) at Krissha (bilang si Mich) sina Aubrey Caraan(bilang si Cora), Hyacinth Callado (bilang si Jessie), Gab Lagman (bilang si Pipo), Keann Johnson (bilang si Timmy) at sina Dani Zee, Rose Van Ginkel, at Felix Roco.

May fresh episode tuwing Biyernes, ang Sem Break na idinirehe ni Roni S. Benaid.