Boobay muling inatake habang nagso-show sa Aparri

MULI na namang ikinabahala ng mga nagmamahal kay Boobay ang naging eksena nito sa isang show sa Aparri, Cagayan last Tuesday, May 7.

Nasa gitna ng pagtatanghal si Boobay (ginagawa niya ‘yung act na ginawa dati ng yumaong si Chokoleit), nang sa pagkuha nito ng isang prop na upuan ay bigla nga itong napatigil.

‘Yun pala ay inaatake na ito ng noon pa niyang sakit kapag napapagod. Nagkaroon uli ng silent seizure ang komedyante at marami nga ang nabahala, lalo na ang kasama niya sa show na si Pepita Curtis.

Ayon kay Boobay na okey na sa ngayon, tinapos nila ang show kahit nagkaroon siya ng silent seizure sanhi raw ng sobrang lakas ng mga ilaw sa stage na siyang nag-trigger sa atake.

Nakabalik na siya ng Manila at magpapa-check up sa doktor.

Hay naku Boobay, dagdagan ang pag-iingat hane. Laging dapat cautious at ‘yung mga nakakasama mo ay dapat oriented sa kundisyon mo.