HATAW! D'yaryo ng Bayan hatawtabloid.com
DALAWA katao ang namatay habang 21 iba pa ang nasaktan nang bumaliktad nang maraming beses ang isang overloaded van sa Cebu-Cordova Link Expressway (CCLEX) nitong Sabado.
Sa weekend report ng 24 Oras Weekend, ipinakita ang dashcam footage mula sa isang sasakyan na isang puting van ang nag-overtake nang biglang umusok ang kaliwang nito.
Nawalan ng control ang van at maraming beses na bumaliktad. Marami sa mga pasahero ang tumilapon palabas ng sasakyan.
Sa kabutihang palad, maraming motorista at iba pang pasahero ang tumulong sa mga biktima.
Sa ulat ng Cordova police, sinabing dalawa sa pasahero, isang 2-anyos paslit at isang babaeng tinatayang nasa edad 40-50 ang agad namatay sa insidente.
Inihatid ng mga rescuers ang 21 biktimang nasaktan, kabilang ang van driver, sa malapit na ospital para sa medical treatment.
Apat sa mga biktima ay may matinding tama sa ulo.
Ang CCLEX ay nag-uugnay sa Mactan Island at mainland Cebu.
Ayon kay Joffre Grande, hepe ng Cordova Municipal Police Station, ang van patungong terminal sa isang mall sa Cebu City, na nasa mainland Cebu.
“Agi siya sa CCLEX, padung niya saka, didto naka-meet og accident. Ang giingon sa witness nga ako naka-estorya, murag nibuto siguro to ang ligid kay mikalit man og turn turtle (He was driving along CCLEX when the accident occurred. A witness said it looked like a tire might have burst, causing the vehicle to turn turtle)” ani Nagiel Bañacia, Lapu-Lapu City Crisis manager.
